Бүгін 22 сәуір -Жер күніне орай «Батыс -Алтай мемлекеттік табиғи қорығы» РММ «Осы Жерде мен де, сен де өмір сүреміз» атты фестивалін ұйымдастырды.

Бұл шараға Жер -Анамыздың сұлулығын ұлықтау үшін көркемөнерпаз ұжымдары, әншілер, музыканттар және бишілер жиналды.Экологиялық шығармашылық фестивалі жыл сайынғы дәстүрлі жалпы қалалық шараға айналып, көптеген ұйымдар мен мекемелердің басын қосуда.

Жер күнін атап өтудегі мақсат -келешек ұрпақ үшін біздің планетамызды , бүкіл адамзатқа табиғатқа ұқыпты қарау және экожүйелерді қорғау қажеттілігі туралы еске салу.

Фестивальге табиғатқа жанашырлық танытып, оны тек қоршаған орта ретінде ғана қарастырмай, шын мәнісінде табиғаттың сұлулығы мен алуатүрлілігіне тамсанып, мақтан тұтатын тұрғындар жиналды.

Экологиялық шығармашылық фестивалі - Жер Ана және бізді қоршаған табиғатымызға арналған есте қаларлық жарқын мереке. Ол тағы бір мәрте туған жерді сақтап, қорғауға, Отанымыздың нағыз патриоттары болуға шақырады.