Жиынның барысында қорық қызметкерлері Қазақстан Республикасының Конституциясының жаңа редакциясы жобасының негізгі ережелерімен егжей-тегжейлі танысып, ұсынылып отырған өзгерістер мен олардың елді одан әрі дамытудағы маңыздылығын талқылады.

Кездесу барысында азаматтардың құқықтары мен бостандықтарын нығайту, қоғамдық қатысу рөлін арттыру, сондай-ақ мемлекеттік басқару жүйесін жетілдіру мәселелері қозғалды, сонымен қатар табиғатты сақтау, табиғи байлыққа ұқыптылықпен қарау сияқты мәселелерге назар салынып, әрбір қатысушысы өз ой -пікірін білдіре кетті.

«Батыс -Алтай мемлекеттік табиғи қорығы» РММ ұжымы алдағы өзгерістердің маңыздылығын түсінеді, сондықтан жүргізіліп жатқан Конституциялық реформаны қолдайды.

Мұндай талқылаулар белсенді азаматтық ұстанымды қалыптастыруға, құқықтық сауаттылықты арттыруға және мемлекет өміріне саналы түрде қатысуға ықпал етеді.