2025 жылдың 5 желтоқсаны мен 30 желтоқсаны аралығында Батыс -Алтай қорығында «Шыршаны қорғаймыз және сақтаймыз» акциясы өтті. Акцияның мақсаты - қылқан жапырақты ағаштарды кесу мәселесіне жұртшылықтың назарын аудару.

Акциясының шығармашылық байқауларына барлығы 111 адам қатысты. Байқауларға 113 жұмыс ұсынылды: 63 қолөнер, 12 композиция, 30 сурет.

АМУ Республикалық қызмет көрсету орталығының мүмкіндігі шектеулі адамдардың 8 жұмысы болды.

Жұмыстар Риддер, Өскемен, Семей қалаларының, Глубокое ауданы Черемшанка ауылының мектеп, мектептен тыс мекемелерінің тәрбиеленушілерімен орындалды. Іс-шараға қатысқан қатысушылар -қылқан жапырақты орманның құндылығын ерте жастан түсінген өскелең ұрпақ.

2026 жылғы 9 қаңтарда құрамында мемлекеттік, орман шаруашылығы мекемелері («Риддер орман шаруашылығы» КММ және ШҚО ТРжТПРБ «Алтай ботаникалық бағы» ШЖҚ КМК, «Балалар көркемөнер мектебі», «Атамекен» Ұлттық палата жанындағы Риддер қаласының іскер әйелдер кеңесі өкілдері бар комиссия (қазылар алқасы) барлық жұмыстарды қарап, жеңімпаздар таңдалды.

14 қаңтардан бастап Батыс -Алтай қорығының табиғат мұражайында акцияның жеңімпаздарын марапаттау басталады.