25 жыл ішінде лаборанттан қорықтың ғылым бөлімінің бастығына дейінгі жолдан өтті. Осы жылдар ішінде ол екі ғылыми-зерттеу тақырыбын орындап, үшінші тақырып бойынша жұмыстар жүргізіп келеді. Шекара бекеттеріндегі инспекторлар үшін фенологиялық бақылаулар жүргізу бойынша әдістемелік құрал әзірленіп, қолданысқа енгізілді. «Батыс Алтай мемлекеттік табиғи қорығының негізгі түрлер атласы» атты кітап құрастырылып, жарық көрді. 50-ден астам ғылыми мақала жарияланған.

Қорықта жұмыс істеген жылдары түрлі ғылыми конференциялар мен семинарларға үнемі қатысып, басқа ғылыми ұйымдармен бірлесе отырып қорық аумағындағы ғылыми экспедицияларға қатысқан, студенттердің өндірістік тәжірибесін басқарған, сондай-ақ қорық аумағында туристерді ертіп жүрген.

2016 жылы Қазақстан Республикасының Тәуелсіздігінің 25 жылдығына орай адал еңбегі үшін медальмен марапатталған.

2023 жылы биологиялық әртүрлілікті сақтау ісіндегі еңбегі үшін II дәрежелі медальмен марапатталған.