Батыс -Алтай мемлекеттік табиғи қорығында табиғаттың үйлесімді тіршілігінің тепе -теңдігін сақтау үшін тер төгіп, орман тәртібі мен тыныштығын қамтамасыз ететін жандар бар. Осындай табиғат қорғаушысы, аумақ қорғау инспекторы Килибаев Мырзақан ағамыздың бір жұмыс күнімен таныстырсақ.

Таң атысымен өз қызметіне кірісіп, жауапты аумақтың табиғатын көзінің қарашығындай сақтап, қамқорлығына алады. Себебі аумақ қорғау инспекторының алдында орман қорғау ісіне деген үлкен жауапкершілік тұр. Өз айналымына жауапты инспектор орман алқабын аралап, табиғаттағы өзгерістер мен құбылыстарды күнделікті күнделіктеріне жазып отырып, есебін жасайды.

Аумақ қорғау инспекторының ең маңызды міндеті - қорық аумағын қорғау және күзету. Осы тарапта браконьерлікке жол бермеу, орман өрттерін болдырмау сияқты міндеттер тағы қосылады.

Жұмыс қашанда көп. Міне осы жұмыстарды арқалаған инспектор қорық аумағының тыныштығы пен қауіпсіздігі үшін бәрін жасайды. Осындай адамдардың арқасында барлық тіршіліктің үйлесімді өмір кешетіне сенім бар.

#ИнспектордыңБірКүні

#АумақҚорғауИнспекторы

#ТабиғаттыҚорғау