Қыс мезгілі – аң-құстың ізін анық көруге ең қолайлы кезең. Қар жамылған далада жануарлардың жүріп өткен ізі арқылы олардың түрі, саны және қозғалыс белсенділігі есепке алынды.

Қысқы маршруттық санақ ақпан, наурыз айларында аңшылықтану маманымен, мемлекеттік инспекторлар көмегімен жүргізіледі.

Санақ барысында мамандар белгіленген бағыттар бойынша маршруттық есеп жүргізіп, фототұзақтар деректерін талдады. Бұл жұмыстар жануарлар популяциясының қазіргі жағдайын бағалауға, оларды қорғау және сақтау шараларын тиімді жоспарлауға мүмкіндік береді.

Қысқы санақ – табиғатты қорғау ісіндегі маңызды кезеңдердің бірі.