27 қараша күні «Батыс Алтай мемлекеттік табиғи қорығы» РММ-нің табиғи кешендер мен нысандарды күзету қызметі бөлімінің мамандары, орман өрт стансасының басшысы Р.Нургазиев, орман шебері А.Сіләмов пен аңшылықтанушы маманы Ж.Кінәзханов Шаңырақ көпсалалы мектеп гимназиясының 5, 6 сынып оқушыларымен кездесу өткізіп, бөлімнің жалпы жұмысы қамтылған жан-жақты дәріс оқыды.

Шараның мақсаты: өскелең ұрпаққа табиғи қорық қорының кешендері мен нысандарын күзетудің, өрт қауіпсіздігін сақтаудың, жануарларды қорғаудың маңыздылығын түсіндіру болды.

Дәріс барысында:

• Жалпы ерекше қорғалатын табиғи аумақтардың маңыздылығы айтылды;
• Орман өрт стансасының жұмысы туралы, өрт сөндіру құралдарымен таныстырылды;
• Батыс Алтай қорығындағы жануарлар әлемі және олар қалай қорғалады;
• Оқушылармен табиғатты қорғау және сақтаудың маңыздылығы туралы әңгіме жүргізілді.

Сонымен қатар оқушыларға ормандағы қауіпсіздік шаралары, өрт қауіпсіздігін сақтау ережелері бойынша нұсқаулық жүргізілді.

Батыс Алтай қорығы мамандары тарапынан осындай бағыттағы танымдық шараларды жүргізу әрі қарай жалғасын табады.