«Батыс-Алтай мемлекеттік табиғи қорығы» РММ-де 28 қараша күні мемлекеттік инспекторлар мен орман өрт сөндірушілерінің қатысуымен – «Төтенше жағдайға ден қою кезіндегі мемлекеттік органдар мен ұйымдарды басқару және олардың өзара іс-қимылы алгоритмі» тақырыбында оқу сабағы жүргізілді.

Директордың ғылым жөніндегі орынбасары - С. Баянбаев, өрт қауіптілігі жоғары кезеңінде және орман өрттері болған жағдайда, Экология және табиғи ресурстар министрлігінің атқаратын іс-қимылдары мен қызметтері жайында түсіндірді.

Директордың орынбасары – М. Отарбаев, төтенше жағдайлар министрлігінің өзара атқаратын міндеттерін түсіндіріп өтті.

Табиғи кешендер мен нысандарды қорғау күзетінің басшысы – А. Биахметов жергілікті атқару органдарының атқаратын міндеттері жайында баяндады.

Орман өрт сөндіру стансасының бастығы Р. Нұрғазиев, басқа мемлекеттік органдардың атқаратын міндеттерін түсіндіріп өтті.

Осы аталған министрліктер мен органдардың өзара үйлесімді іс-қимыл алгоритмі таныстырылды. Сабақтың мақсаты – төтенше жағдай кезінде аталған ұйымдардың өзара үйлесімді бірлесіп жұмыс атқаруы және дайындық деңгейін арттыру.