Батыс -Алтай мемлекеттік табиғи қорығының мамандары "Шаңырақ" көпсалалы мектеп-гимназиясы” КММ оқушыларына экологиялық тәрбие аясында биоалуантүрлілікті сақтау тақырыбында танымдық дәріс өткізді. Дәріс барысында қатысушылар табиғаттағы тірі ағзалардың алуан түрлілігі, олардың экожүйедегі маңызы, сирек кездесетін өсімдіктер мен жануарларды қорғау жолдары туралы мағлұмат алды.

Балалар табиғатты аялау, қоршаған ортаға жауапкершілікпен қарау және әрбір тіршілік иесінің табиғаттағы рөлі жайлы көп мәліметке қанықты. Кездесу сұрақ-жауап форматында өтіп, қызықты әңгімелер мен пайдалы деректерге толы болды.

Мұндай экологиялық іс-шаралар өскелең ұрпақтың табиғатқа деген сүйіспеншілігін арттырып, экологиялық мәдениетті қалыптастыруға үлкен үлес қосады. 🌍💚